"Арсенал" бош мураббийи Арсен Венгер Англия чемпионатининг 6-турида "Тоттенҳэм" билан кечган учрашувдаги дуранг натижадан (1:1) қониқмаганини билдирди.
"Биз жуда сифатли ўйин кўрсатдик. Дуранг натижадан қониқмадим. Жамоамиз майдонда кўп куч сарфлади.
Биз майдонда жамоавий руҳ кўрсатдик. 0:1 ҳисобида ютқазаётиб, тўп билан 77 фоиз муомала қилдик. Бундай ўйинда буни уддалаш қийин.
Икки очко йўқотганимиздан хафаман. Ўз вазиятларимиздан фойдалана олмадик, айниқса бурчак тўпларида. 14 марта бурчак тўпи тепдик, 3-4 марта жарима зарбаси тепдик. Бунинг устида ишлашимиз керак", - дейди Венгер.