"Ювентус" бош мураббийи Массимилиано Аллегри "Аталанта"га қарши ўйиндан сўнг (3:0) пенальтини қайтарган туринликлар посбони Жанлуижи Буффон ҳақида илиқ фикрлар билдирди.
"Биз ажойиб ғалабага эришдик. "Рома" олдинроқ уч очко олган эди, шунинг учун биз босим остида майдонга тушдик. "Аталанта" ўз уйида кучли ўйнашини ҳисобга олсак, ўйин жуда қийин бўлди.
Биринчи ўн дақиқа муаммоларга дуч келди, тўпни назорат қила олмадик. Кейин ўз ўйинимизни топдик, ҳал қилувчи ролни Буффон ўйнаб берди.
Буффоннинг бошқа дарвозабонлардан фарқи шуки, у бутун ўйинда ишсиз қолиши мумкин, аммо керак бўлганда муҳим сейвни амалга оширади. Бу ҳақиий чемпионннинг белгиси.
Погба ҳафта ўртасида дам олди, бугун у формасини йўқотмаслик учун Видаль билан майдонга чиқиши керак эди. Мората захирадан майдонга чиқиб ўйинини топа олди ва гол урди.
Тевес ва Иброҳимовични таққослаш? Улар турли ўйинчилар. Аммо иккиси ҳам ғалаба қозонишни истайдилар. Тевес қийин вақтларда жамоага катта ёрдам беради", - дея Аллегрининг сўзларини келтиради Football-Italia.