"Челси" бош мураббийи Жозе Моуриньо Англия чемпионатининг 6-турида "Астон Вилла"га қарши ўйиндан сўнг (3:0) фикрлари биан ўртоқлашди.
"Мен бахтиёрман. Биринчи бўлимда бир қатор вазиятларга эга бўлдик, биз ўйинни бутунлай ўз қўлимизга олдик. Ҳисоб 1:0 бўлиб турган вақтда ҳам, ғалабамизга шубҳа ва ишончсизлик бўлмади.
Иккинчи ва учинчи голлар ўйин тақдирини ҳал қилди. Премьер-лигада ҳар бир ўйинда очко ишлаш керак, ўз майдонимизда эса очко йўқотмаслик икки карра муҳим.
Биз ҳамма жамоалар очко йўқотишини биламиз. "Челси"нинг навбатдаги 10, 15, 20-ўйинларида ғалаба қозонишига кимдир тўлиқ ишонади, деб ўйламайман. Прмьер-лигада ҳатто топ-клуб ҳам исталган ўйинда очко йўқотиши мумкин", - дея Моуриньонинг сўзларини келтиради клуб расмий сайти.