"Манчестер Сити" дарвозабони Жо Харт унинг жамоаси ЕЧЛ гуруҳ босқичининг 2-турида "Рома"га қарши учрашувда уч очкони кўзлаётганини билдирди.
"Мусобақани яхши бошламадик. Олдинда турган ўйин биз учун жуда муҳим. Бахтимизга бу плэй-офф учрашуви эмас, ўйинимизни яхшилаш учун вақтимиз бор.
Ғалабага кучимиз етади ва биз фақат ғалабани кўзлаяпмиз. "Рома" Италия чемпионатида жуда яхши қатнашмоқда. Улар мавсумни зўр бошладилар, аммо биз ғалаба қозонишимиз керак", - дея Ҳартнинг сўзларини келтиради УЕФА расмий сайти.













