"Манчестер Сити" бош мураббийи Мануэль Пеллегрини ЕЧЛ гуруҳ босқичининг 2-турида "Рома"га қарши ўйин олдидан фикрлари билан ўртоқлашди.
"Биз "Бавария"га қарши ўйинда дурангга яқин турган эдик, аммо 0:1 ҳисобидаги мағлубият фожеа эмас. Ўтган йили ҳам биринчи ўйинни бой бериб, қолган бешта учрашувни ютган эдик.
"Рома" ўтган йилдагидек жуда яхши жамоа. Руди Гарсия - жуда ажойиб мураббий, унинг қўл остида тезкор ва техникали футболчилар кўп. Бу жуда қийин ўйин бўлади, аммо ютишимизга ишонаман", - дея Пеллегринининг сўзларини келтиради УЕФА расмий сайти.