"Челси" бош мураббийи Жозе Моуриньо ЕЧЛ гуруҳ босқичининг 2-турида "Спортинг"га қарши кечган меҳмондаги ўйин (0:1) ҳақида фикр билдирди.
"Биз уч очко олдик, бу яхши. Бу энг муҳими. Биз уйда очко йўқотган эдик, меҳмонда қайтариб олдик. Энди "Марибор"га қарши иккита учрашув ўтказамиз, икки ўйинда ҳам ғалаба қозонсак, очкомиз 10 тага етади. Шунда иш бажарилган бўлади.
Ўйиндан сўнг Руй Патрисуга "Бугунги кечамни вайрон қилмоқчи бўлдинг" дедим. Лиссабонликлар бундан йирикроқ ҳисобда мағлуб бўлишлари билан бирга, дурангга ҳам эришишлари мумкин эди. Албатта, бу адолатдан бўлмас эди. "Спортинг"нинг тажрибаси етмасада, бугун у ўз футболини намойиш қилди. Бу жамоа гуруҳдан чиқа олади.
Жон Террининг чемпионлар лигасидаги 100-ўйини муҳим воқеа. Бунинг устига у барча ўйинларни бир жамоа либоси остида ўтказган. У энг яхшилар қаторига киради", - дея Моуриньонинг сўзларини келтиради УЕФА расмий сайти.