"Англия терма жамоасининг бош мураббийи Рой Ходжсон "Ливерпуль" устози Брендан Роджерснинг фикрларига муносабатини билдирди.
Роджерс Раҳим Стерлингга дам бериш кераклигини ва терма жамоага чақирилмай турилиши лозим деб билган эди.
"Худди Роджерс каби мен ҳам ғалаба қозонишни истайман, менга ҳам ўзимнинг энг яхши ўйинчиларим керак. Ҳа, Стерлинг охирги вақтда жуда кўп майдонга тушди, аммо терма жамоада ундан кам ўйин ўтказмаган 6-7 ўйинчи бор.
Менга мураббийларнинг футболчиларни қачон чақириш ва қачон чақирмаслик ҳақидаги маслаҳатлари керак эмас. Ахир мен уларнинг ишига аралашиб, кимни майдонга туширишни айтмаяпман-ку", - дея Ходжсоннинг сўзларини келтиради The Guardian.