"Манчестер Юнайтед" бош мураббийи Луи ван Гал Англия чемпионатининг 7-турида "Эвертон"га қарши учрашувдан сўнг фикрлари билан ўртоқлашди.
"Биз биринчи бўлимни жуда яхши ўтказдик. Биз кўплаб вазиятлар яратдик, аммо биринчи бўлимда улардан бир марта фойдалана олдик, холос. Бўлим охирида дарвозамизга пенальти белгиланди, яхшиям Де Хеа бизни қутқарди.
Иккинчи бўлимда осон бўлишини тахмин қилган эдим, ахир рақиб ҳисобни тенглаштириш учун ҳаракат қилиши лозим эди. Биз тўпни назорат қилсак бўлгани эди, аммо бундай бўлиб чиқмади. Мен ўзгаришлар қилдим, аммо у яхши ҳимояланишга ёрдам бермади, чунки охирги 15 дақиқада "Эвертон"уч марта гол уриши мумкин эди", - дейди Луи ван Гал.