"Манчестер Юнайтед" клубининг собиқ бош мураббийи Алекс Фергюссон 2012 йилда клуб сафига келиб қўшилган Синдзи Кагаванинг Дортмундга қайтганини тўғри деб ҳисоблашини айтди.
"Кагаванинг ўйинларидан кўнглим тўқ эди. У жамоага тезда қўшилиб кетди ва унга бу ер ёқаётганини кўрдим. Аммо, ҳар бир мураббийнинг ўз қарашлари бор. Дэвид Мойес Хуан Матани сотиб олганидан сўнг, Кагава ўзини клубда ортиқчадек ҳис қила бошлади", дейди Фергюссон.
"Шунинг учун ҳам Кагаванинг Дортмундга қайтганини тўғри қарор деб ҳисоблайман. У ерда у ўзини яхши ҳис қилмоқда. Қолаверса, Боруссияда уни ўз кучига ишонтира оладиган Юрген Клоппдек мураббийи бор", дейди афсонавий мурабби.