АҚШ футболи афсонаси Лэндон Донован терма жамоадаги фаолиятини расман якунлайди. Ўзининг сўнгги учрашувида у терма жамоани сардор сифатида майдонга бошлаб тушади.
“Донованнинг фаолияти жуда муваффаққиятли ўтди. У каби улкан шуҳрат қозонган футболчи АҚШ футболида ҳали бўлган эмас. Шу боисдан ҳам уни эртанги учрашувга чақириб, мухлислар билан хайрлашиб олиш имконини беришга қарор қилдим”, - деди терма устози Юрген Клинсманн Эквадорга қарши ўйин олдидан ўтказилган матбуот анжуманида.
Шуни алоҳида таъкидлаб ўтиш жоизки, Лэндон Донован АҚШ терма жамоаси таркибида 157 та учрашувда майдонга тушган бўлиб, 57 марта гол киритишга муваффақ бўлган. Қолаверса, у Қўшма Штатларда тўрт бор йилнинг энг яхши футболчиси номига сазовор бўлган ягона футболчидир.
