Испания терма жамоаси бош мураббийи Висенте Дель Боске Евро Люксембурга қарши учрашувдан сўнг (4:0) Диего Костанинг ўйини ҳақида гапириб ўтди.
"Биз ҳаммамиз унинг гол уришини истадик. Биз унинг ҳаракатларидан ва бажараётган ишининг кўламидан розимиз. У келажакда бизнинг жуда муҳим ўйинчимизга айланади.
Ҳамма гол уришни истайди, Коста ҳам Алькасер билан биргаликда яхши ҳаракат қилди. Танаффусда мен унга хотиржам бўлишини айтдим, у бироз ҳаяжонланаётган, нимдандир норози ва тўғри қарор топа олмаётган эди", - дейди Дель Боске.