"Барселона" клуби бразилиялик ўнг қанот ҳимоячи Дугласни сотиб олишдан олдин жамоа ҳужумчиси Неймарнинг отаси била маслаҳатлашган дея хабар беради UOL.
Каталонияликлар ўтган ёзда жамоадан кетишга чоғланган Дани Алвесга ўринбосар изладилар. "Сан-Паулу" ҳимоячисига эътибор қаратишдан аввал Неймарнинг отасидан бу футболчи ҳақида маълумотнома сўрадилар.
Оқибатда Дуглас 6 миллион евро эвазига "Барселона" футболчисига айланди ва 24 сентябрь куни "Малага" клубига қарши ўйинда асосий таркибда дебют қилиб, сариқ карточкали бўлди ҳамда 73-дақиқада алмаштирилди.