Ирландиялик ҳимоячи Жон О'Ши "МЮ"нинг собиқ футболчиси Рой Киннинг автобиографик асарида келтирилган воқеа ҳақида фикр билдирди.
Эслатиб ўтамиз, Рой Кин ўз асарида "МЮ"нинг "Спортинг" клуби билан учрашувидан сўнг О'Ши португалияликлар сафидаги Криштиану Роналдунинг ўйинлари ва финтларидан бошим айланиб кетди, деганини ёзган эди.
"Тўғрисини айтсам, одамлар автобиографияларини ёзганда бирмунча кўпиртириб юборадилар. Ҳа, Криштиану Роналдуга қойил қолганим рост, аммо бошим айланмаган эди. Ритмни йўқотгандай бўлдим, аммо бу бош айланиш эмас. Шу ўйиндан сўнг Криштианунинг "МЮ" футболчисига айлангани зўр иш бўлди", - дейди О'Ши.