"Челси" бош мураббийи Жозе Моуриньо ҳужумчи Диего КОстанинг Испания терма жамоаси сафида олган жароҳати хусусида фикр билдирди.
""Коста чемпионлар лигасида ўйнамайди. Унинг қачон сафга қайтишини билмайман. Диего Испания терма жамоаси сафида Словакия ва Люксембург термаларига қарши катта учрашувларни ўтказди. Клубга эса ўйнай олмайдиган аҳволда қайтди.
Испания терма жамоасига қўнғироқ? Нега, нима учун? Нега телефонда сўзллашиш учун пул сарфлаш керак? Ишонаман, Коста Испания терма жамоасининг ноябрь ойидаги ўйинларига шай ҳолатда бўлади.
Шифокорларимиз Диегони даволашмоқда. Коста Испания терма жамоаси ўйинларидан бўш вақтларида "Челси" учун ўйнайди", - дейди Моуриьно.
Аввалроқ, 26 ёшли футболчи сонидан олган жароҳати туфайли 3 ҳафтага сафдан чиққанлиги хабар қилинган эди.
Диего Коста бу мавсумда Англия чемпионатининг етти учрашувида тўққизта гол урган.