"Манчестер Сити" бош мураббийи Мануэль Пеллегринининг фикрича, чемпионлар лигасида ЦСКАга қарши ҳар икки ўйинда ҳам ғалаба қозониши керак.
Биринчи учрашув 21 октябрь куни Химки шаҳрида бўлиб ўтади ва ўйинга томошабинлар киритилмайди.
"Биз ЦСКАга қарши икки муҳим ўйин ўтказамиз. Иккала ўйинни ҳам ютишимиз керак. Химкидаги ўйин бошача бўлади, чунки у томошабинларсиз ўтади. Тушунаман, бу қарорга УЕФАнинг ҳаққи бор эди, аммо бу ҳеч қайси жамоага фойда келтирмайди.
Ўйин жуда муҳим, аммо мен босимни ташқаридан, ОАВ томонидан эмас, клуб хўжайинлари ва мухлислардан ҳис қиляпман. Ишлашга ундайдиган энг яхши сабаб - ҳар ўйинда босимни ҳис қилишдир. Гуруҳдан чиқишимизга ишонаман. Агар қолган 4 ўйинни барчасини ютсак, гуруҳда биринчи ўрин билан чиқишимиз мумкин, аммо энг асосийси - плэй-оффга чиқиш", - дейди Пеллегрини.
