"Ливерпуль" бош мураббийи Брендан Роджерс чемпионлар лигасида "Реал"га қарши учрашув олдидан Криштиану Роналду ҳақида фикр билдирди.
"Криштиану Роналду - ажойиб ўйинчи. Унинг янада ўсаётгани, тўпурарлик хусусиятлари катта тассурот қолдирмоқда. Биз уни тўхтатишга ҳаракат қилишимиз керак, аммо "Реал"да бошқа хавфли ўйинчилар ҳам бор.
Масалан, Лука Модрич ва Тони Кросс жуда иқтидорли ва жамоани ортларидан эргаштира оладилар. Шунингдек, Серхио Рамоснинг ўйинларига у "Севилья"да ўйнаган чоғларидан қойил қолиб келаман. "Реал"да ҳамма нарса бор: тажриба, ажойиб таркиб, тезлик, техника ва ажойиб мураббий Карло Анчелотти. Бунинг устига улар чемпионлар лигасининг амалдаги ғолиблари. Мадридликлар ўз унвонларини сақлашга ҳаракат қилишлари тайин", - дейди Роджерс.
