"Челси" бош мураббийи Жозе Моуриньо чемпионлар лигаси гуруҳ босқичида "Марибор"га қарши учрашувдан сўнг (6:0) фикрлари билан ўртоқлашди.

"Биз ишончли, умидли ва тенг тақсимланган футбол кўрсатяпмиз. Футболчилар ўтган мавсумда ривожлантирган ўйин услубимизга мослашдилар, аммо бу идел ҳолатга етгани йўқ.

Шу билан бирга натижалар ва ишонч ўйинчиларга ўзларининг энг кучли томонларини кўрсатишга ҳамда ўз ишларидан завқ олишга сабаб бўлмоқда.

Бугунги ўйин кўргазмали бўлди: Ҳисоб 3:0 вақтида кучимизни аяб, учрашувни ғалабагача олиб боришимиз мумкин эди, аммо биз тўхтамадик ва ўз футболимизни намойиш этдик.

Биз гуруҳ босқичида эндигина 3 ўйин ўтказдик. Совринни қўлга киритишимиз учун 12та ўйинни ютишимиз керак, шунинг учун бирор фикр айтишга жуда эрта.

Ҳозирча эса ҳали гуруҳдан ҳам чиққанимиз йўқ. Биринчи навбатдаги мақсадимиз - гуруҳдан чиқиш. Бу ишни биринчи ўринни қўлга кириб бажармоқчимиз", - дейди Моуриньо.