"Реал" бош мураббийи Карло Анчелотти чемпионлар лигаси гуруҳ босқичининг 3-турида "Ливерпуль"га қарши учрашув натижасидан (3:0) мамнун бўлди.
"Бу ўйин мавсум бошидан буён ўтказган энг яхши учрашувимиз бўлди. Биз биринчи бўлимни фантастик тарзда ўтказдик, ўйинни тўлиқ назорат қилдик. Ўйинчилара қойил, улар ажойиб футбол кўрсатишди.
Мен бу футболчиларга устозлик қилаётганимда бахтиёрман. Биз дастлабки 2 дақиқада, "Ливерпуль" фаол ҳаракат қилганда яхши ҳимояландик. Аммо танаффусгача ўйин тақдири ҳал бўлди. Мен Истамбул воқеасини унутганман, аммо футболда ҳамма нарса содир бўлиши мумкин", - дея Анчелоттининг сўзларини келтиради ВВС.
