"Барселона" яримҳимоячиси Андрес Иньеста олдинда турган эл-класикога ғақида фикрларини билдирди.
"Эл-класико - хар доим оғир, курашларга бой ўйин бўлиб келган. "Реал"ни ютиш учун унга қарши учрашувда барча жабҳаларда устун бўлиш керак. Рақибни майдонннинг ҳар бир қаричида устунлик қилиш керак. Бу оддий ўйин эмас. Класико ҳеч қачон оддий ўйин бўлмайди.
Тақвим шундай тузилган. Ўз вақтида ўйинга тайёрланиш учун "Барселона"да ҳам вақт кам бўлган вақтлар ҳам бўлган. Сен мослашишинг керак.
Класикони олдиндан башорат қилиб бўлмайди. Бу оғир курашларга тўла ўйин бўлади. Ҳозир "Реал"да кучли жамоа йиғилган, уларнинг майдонида тўп суриш жуда қийин бўлади. Биз ғалабага интилишимиз керак. Нима бўлганда ҳам "Барселона" жадвалнинг бошида қолаверади, деган хаёллрни ўчириб ташлаш керак.
Мақсадимиз - ажойиб ўйин кўрсатиш ва ғалаба қозониш. Луис Суарес ноқулай вазиятда қолмоқда. Узоқ вақт майдонга тушмаслик - футболчи учун энг ёмон нарса. Суареснинг фойдаси тегишига ва у ҳар доимгидай ўйин кўрсатишига умид қиламиз", - дея Иньестанинг сўзларини келтиради Мarca.
