"Мальорка" жамоаси қанот ҳужумчиси Хан Вирхили "Барселона"нинг қизиқишлар доирасига тушди.
"Diario Sport" нашрининг хабар беришича, Вирхилининг "Мальорка" сафидаги ажойиб ўйинлари "Барселона"да футболчини қайтариш борасидаги мунозараларни келтириб чиқарди. Таъкидланишича, "кўк-анорранглилар" футболчини қайта сотиб олиш бўйича биринчи навбатдаги ҳуқуққа ва унинг келгуси сотувидан маълум фоизга эгалар. Бироқ, "Барселона" учун устувор вазифа сифатида Рэшфорднинг трансферини тўлиқ амалга ошириш қолмоқда.
Эслатиб ўтамиз, Вирхили ўтган ёзда "Барселона"дан "Мальорка"га кўчиб ўтган эди. 19 ёшли вингернинг сотувидан каталонияликлар 3,5 миллион евро ишлаб олишган.
Жорий мавсумда Виргили барча турнирларда 20 та ўйинда майдонга тушиб, олтита голли узатмани амалга оширди.
