"Malyorka" jamoasi qanot hujumchisi Xan Virxili "Barselona"ning qiziqishlar doirasiga tushdi.

"Diario Sport" nashrining xabar berishicha, Virxilining "Malyorka" safidagi ajoyib o‘yinlari "Barselona"da futbolchini qaytarish borasidagi munozaralarni keltirib chiqardi. Ta’kidlanishicha, "ko‘k-anorranglilar" futbolchini qayta sotib olish bo‘yicha birinchi navbatdagi huquqqa va uning kelgusi sotuvidan ma’lum foizga egalar. Biroq, "Barselona" uchun ustuvor vazifa sifatida Reshfordning transferini to‘liq amalga oshirish qolmoqda.

Eslatib o‘tamiz, Virxili o‘tgan yozda "Barselona"dan "Malyorka"ga ko‘chib o‘tgan edi. 19 yoshli vingerning sotuvidan kataloniyaliklar 3,5 million yevro ishlab olishgan.

Joriy mavsumda Virgili barcha turnirlarda 20 ta o‘yinda maydonga tushib, oltita golli uzatmani amalga oshirdi.