"Эвертон" бош мураббийи Роберто Мартинес Европа лигаси гуруҳ босқичининг 3-турида "Лилль"га қарши учрашувдан сўнг (0:0) майдоннинг ҳолатидан шикоят қилди.
"Одатдаги ўйинимизни кўрсатишимизга майдоннинг ҳолати ҳалақит қилганидан бироз норозиман. Бу "Лилль"нинг ўйинига ҳам таъсир қилганини айтмоқчиман. Телеэкранда бу билинмагандир, аммо майсанинг ҳолати тўп билан муомала қилишимизда муаммолар келтирди.
Дарвозамизни даҳлсиз сақлаганимиздан хурсандман. "Лилль"нинг бор кучи билан ҳаракат қилишини кутган эдик, биз буни эпладик. Умуман олганда сафарда кечган навбатдаги яхши ўйин бўлди. Очко ишладик, ўйинчилар кучли ўйин намойиш этишди", - дейди Мартинес.
