"Челси" бош мураббийи Жозе Моуриньо Англия чемпионатининг 9-турида "Манчестер Юнайтед"га қарши учрашув олдидан Луи ван Гал ҳақидаги фикрлари билан ўртоқлашди.
Эслатиб ўтамиз, португалиялик мутахассис "Барселона"да Луи ван гал қўл остида ишлаган.
"Якшанба куни мен Ван Галга қарши эмас, "Челси" "МЮ"га қарши ўйнайди. Ўйин вақтида худди у каби менинг ҳам рақиб мураббийи нима билан шуғулланаётганини томоша қилиш учун вақтим бўлмайди. Ўйингача ва ўйиндан сўнг у менинг энг яхши дўстларимдан бири бўлиб қолади. Уни кўрганимдан хурсандман.
Мен унга бўлган муносабатимни ҳеч қачон яширмаганман. У менга юқори савияда ишлашимга ёрдам берган. Ёш мураббий учун бир неча йил "Барселона"да ишлаш жуда муҳим бўлган", - дея Моуриьонинг сўзларини келтиради "Челси" расмий сайти.
