"Челси" бош муураббийи Жозе Моуриньо Англия чемпионатининг "Манчестер Юнайтед"га қарши учрашувида Диего Костанинг майдонга тушиши мумкинлигини маълум қилди.

"МЮ"га қарши учрашув олдидан ўйинчиларни сақламайман, гап унинг тайёр бўлишида. Агар у тайёр бўлса, "Олд Траффорд" ўйинчиларни сақлаб ўтирадиган жой эмас. Курашга чанқоқ ўйинчилар майдонга туширилади. Агар Диего тайёр бўлса - у ўйнайди.

Мен ҳозиргача ким майдонга тушишини аниқ билмайман. Одатда ўйинга икки кун қолганда таркибни хаёлимда тузиб оламан. Ҳозир эса, якуний қарорга келишим учун кўплаб суҳбатлар ўтказишим, учрашишим, маълумотларга эга бўлишим керак", - дея Моуриньонинг сўзларини келтиради клуб расмий сайти.