ЖАР миллий терма жамоаси дарвозабони ва сардори Сензо Мейива қурол ёрдамида отиб ўлдирилди. 27 ёшли футболчи шифохонага етказилганида, врачлар унинг ҳалок бўлганини эътироф этишган.
Ушбу воқеа Йоханнесбургга яқин жойда, тахминларга кўра, Мейиванинг дугонаси уйида содир бўлган.
Номаълум икки шахс уйга бостириб кирган ва учинчиси ташқарида қолган. Ўқ узилганидан кейин учаласи қочиб қолишган. Маҳаллий ОАВ тахминига кўра, бостириб кирган кирганлар уйни ўмармоқчи бўлишган.
ЖАР полицияси қотиллар ҳақидаги ҳар қандай маълумотни тақдим этган шахсга 14 минг доллар мукофот ваъда қилмоқда.
Таъкидлаш лозим, Мейива шанба куни «Орландо Пайретс» клуби сафида иштирок этганди. Шунингдек, у ЖАР миллий терма жамоаси таркибида Африка миллатлар кубоги саралаш босқичи доирасида 4та ўйинида майдонга тушган.
