Бразилия терма жамоасининг собиқ ҳужумчиси Ромарио Бразилия Футбол Конфедерацияси Дунгани терма жамоа бош мураббийи этиб тайинлаб хатога йўл қўйганини айтиб ўтди. Эслатиб ўтамиз, Дунга терма жамоа бош мураббийлигига иккинчи бор тайинланмоқда. Дунга бунгача ҳам пентакампеонларни бошқарган ва  2010 йилги Жаҳон Чемпионати баҳсларидаги қониқарсиз натижа туфайли истъефога чиқарилган эди.

"Айни дамда терма жамоани бошқараётгани учун унга омад тилайман. Қолаверса, у менинг дўстим. Умид қиламанки натижалар аввалги сафаргидек бўлмайди ва бу сафар у бошқача ишлайди. Биз учун қониқарли натижа фақат жаҳон чемпионатидаги ғалабадир. Агар ушбу менталитетдан келиб чиқиб фикр билдирадиган бўлсак, Дунга - хато танлов. Янги ғояларга эга, янги мураббий танлаш керак эди. Унга қийин бўлади, аммо натижа бўлади деб, умид қиламан", - дейди Ромарио.