Франциялик афсонавий футболчи Зинедин Зидан "Ювентус"даги ватандоши Поль Погба ҳақида илиқ фикрлар билдирди.

"21 асрда Погба бажараётган ишларга ақл бовар қилмайди. Балки, у ҳақида жуда кўп гапиришаётгандир, аммо шу зайлда давом эта, у тарихдаги энг яхши футболчилардан бири бўлиб етишади.

Погба ўзида Клод Макелеле ва Патрик Виейранинг хислатларини мужассам қилган. Агар унинг мураббийи бўлганимда ундан майдон марказида бироз олдинроқда фойдаланар эдим.

У яна шу зайлда давом этиши керак ва ундан топ-савиядаги яримҳимоячи етишиб чиқади. У қачондир "Реал"га ўтадими? Кўрамиз...", - дея Зидандан иқтибос келтиради Goal.com.