"Ливерпуль" сардори Стивен Жеррард жамоасининг бу мавсумдаги омадсиз стартини икки асосий футболчининг йўқлиги билан боғламоқда.
Эслатиб ўтамиз, Луис Суарес "Барселона" сотиб борилган бўлса, Даниель Старридж жароҳат олган ва 31 августдан буён ўйнамаяпти.
"Суарес кетгач, пастга шўнғишимизни билган эдим. Агар жамоа чемпионликка бир қадам қолса, асосий таркибни сақлаб қолиш керак. Асосий таркибнинг муҳим қисми олиб ташланса ва унинг ўрнига 5-6 янги ўйинчи олиб келинган тақдирда муваффаққият бир зумда келмайди.
Мен сафимизга Фабрегас ёки Диего Костанинг келишини истардим, аммо мен "Ливерпуль" ўйинчисиман, "Челси"ёки "Сити"нинг эмас. Молиявий ҳолат уларга қулайлик туғдиради. Уларнинг мураббийи кучли ўйинчиларни кўрадилар ва пақ! пақ! Янги ўйинчилар сафда.
Биз бир етакчимиздан жароҳат туфайли айрилдик, иккинчисини сотиб юбордик. Ўзимизни оқламайман аммо муваффаққиятсиз старт сабабларини айтиб ўтдим. Суарес таркибимизда бўлганида очкомиз кўпроқ бўлар эди", - дейди Жеррард.
