"Барселона" ҳужумчиси Луис Суарес Испания чемпионатининг 10-турида "Сельта"га қарши учрашувдаги мағлубиятдан сўнг (0:1) фикрлари билан ўртоқлашди.
"Агар тўп дарвозага киришни хоҳламаса, бу содир бўлмайди. Гол уриш учун етарли вазиятларимиз бўлди, аммо омад етишмади. "Сельта" ўзининг биргина имкониятидан фойдаланди ва ғалаба қозонди.
Биз янги совринлар ютишни истаймиз, чунки "Барселона" - дунёнинг энг яхши клуби. Мухлислар бизга ишонади, футболчилар - клуб натижасини келтирувчилар ҳам", - дейди Суарес.
Суарес "Барселона" таркибида иккинчи ўйинини ўтказди ва бу ҳақда ҳам фикрларини билдириб ўтди.
"Бернабеу"да 45 дақиқа ўйнадим, кейин чарчроқ сездим. Прессинг ва шерикларим билан жуда яхши чиқишмаганлигим учун ўзимни бироз ноқулай сездим. "Сельта" билан ўйинда ўзимни ишончлироқ ҳис қилдим".
