"Милан" бош мураббийи Филиппо Индзаги Италия чемпионатида "Палермо"га қарши учрашувдаги мағлубиятдан сўнг (0:2) фикрларини билдирди.
"Бу футбол. Ўйиндан аввал "Палермо"нинг оғир рақиб эканлигини айтгандим. Улар "Наполи"га қарши жуда яхши ўйнаган эдилар.
Поли ва Торрес ўз вазиятларини голга айлантиришганда ўйинни ёмон бошламаган бўлардик. Ўйин ҳам бошқача кечар эди. Аммо "Палермо" биринчи бўлиб гол урди ва ғалабага лойиқ ўйнади. Уларнинг олдида шляпаларимизни ечамиз
Бундай ўйинлар ўсишга ёрдам беради, аммо барча жавобгарликни ўз бўйнимга оламан. Ўзимизга келиш учун Сампдория"га қарши тезроқ майдонга тушишимизни истайман.
Бу мавсум ижобий натижаларга ҳам эришдик, бугунги ўйин ҳақида бундай деб бўлмайди. Аммо парвозлар ҳам, қулашлар ҳам бўлишини билган эдим", - дейди Индзаги.
