Жазоирнинг «EС Сeтиф» клуби Африка чемпионлар лигасининг ушбу мавсумдаги ғолибига айланди.
1 ноябрь куни ЖАзоирда ўтказилган финал ўйини жавоб учрашувида Конго ДРнинг “Вита” клуби билан 1:1 ҳисобида дуранг натижа қайд этди ва бир ҳафта олдин сафарда — Киншасада ўтказилган дастлабки ўйиндаги 2:2 ҳисобидаги дуранг натижа орқали Африка чемпионлар лигаси ғолиблигини қўлга киритди.
Меҳмонда урилган гол қоидаси жазоирликларга ғолибликни тақдим этди ва энди улар шу йилнинг охирида Марокаш давлати мезбонлик қиладиган клублар ўртасидаги жаҳон чемпионатида Африка қитъаси шарафини ҳимоя қиладиган бўлишди.
Эслатиб ўтамиз, бунгача Жазоир клублари 4 маротаба Африка чемпионлар лигаси ғолиблигини қўлга киритишган. Бу борада улар фақат Миср клубларидан ортда қолишмоқда. Мисрликлар бу унвонга 14 маротаба эгалик қилишган.
