"Милан" ҳимоячиси Иньяцио Абате Италия чемпионатининг 10-турида "Палермо"га қарши учрашувдаги мағлубиятдан сўнг (0:2) фикрларини билдирди.
- Ҳафта қийин келди. Кутганимиздан ёмон ўйнадик. Тишни тишга қўйиб ишлашимизга тўғри келади. Характеримизни ҳам кучайтиришимиз лозим. Мавсумни ёмон бошламадик, аммо кейин барча жамоаларга қарши муаммоларга дуч кела бошладик.
- "Милан"нинг мақсади учинчи ўринми?
- Биз навбатдаги аниқ ўйин ҳақида ўйлашимиз керак. Чемпионат тугашига ҳали анча бор. Ҳозир "Милан"нинг олтин даврларини эслашда маъно йўқ. Жамоа бугун бошқача", - дейди Абате.