19 ёшгача бўлган қизлар ўртасидаги Осиё чемпионатига саралаш босқичининг "А" гуруҳида 2-тур ўйинлари якунига етди.

Бугун Ўзбекистон терма жамоаси ливанликларни 7:0 ҳиисобида мағлуб этгани ҳақида хабар бериб ўтгандик. Ҳамюртларимиздан Нилуфар Қудратова ва Нодира Мўйдинова "хет-трик"ни расмийлаштиришган бўлса, Мафтуна Шойимова ўз ҳисобига битта гол ёзиб қўйди. Қудратова Ҳиндистон дарвозасига ҳам 2та гол урганди.

Куннинг иккинчи ярмида саралашга мезбонлик қилаётган иорданиялик қизлар Ҳиндистон устидан 3:1 ҳисобида зафар қучишди.

Сўнгги тур олдидан Ўзбекистон терма жамоаси 6 очко билан тўплар нисбатига кўра (9-0) 1-ўринни эгаллаб турган бўлса, шунча очко тўплаган Иордания 2-ўринни банд этган (тўплар нисбати - 6-1). Демак, сўнгги турда дуранг натижа ҳам Вячеслав Солохо шогирдларини Осиё чемпонатининг финал босқичига олиб чиқади.