Евро-2016 саралаш босқичида Испания термасига қарши учрашувга чақирилмаган Александр Глеб собиқ жамоадошларига дуранг натижани тиламоқда.
"Испанлар, ҳар доимгидай бизларни югуртирадилар. Ҳимояни қаттиқ ушлашимиз ва 100 фоиз куч билан ҳаракат қилишга тўғри келади. Олдинда Серёга Корниленко ўйнашига умид қиламан. У кучли ва исталган ҳимояни ёриб ўта олади.
Чин кўнгилдан дурангга туриб беришларини истайман. Чунки шунддагина янги бош мураббий билан кичик бўлсада, саралаш баҳсларида имкониятларимиз қолади", - дея Глебнинг сўзларини келтиради "Прессбол" газетаси.