15 ноябрь куни Таиланднинг Пхукет шаҳрида пляж спорт турлари бўйича Осиё Ўйинлари старт олади. Пляж футболи мусобақаси қуръа ташланди.
Қуръага кўра, Ўзбекистон терма жамоаси "С" гуруҳида Хитой ва Баҳрайн билан баҳсларни бошлайдиган бўлди. Мусобақада 13та терма жамоа иштирок этади. Қуръа натижалари билан танишинг:
Пляж спорт турлари бўйича Осиё ўйинлари. Пляж футболи
"А" гуруҳи: Таиланд, Вьетнам, Кувайт, Қатар
"В" гуруҳи: Эрон, Уммон, Сурия,
"С" гуруҳи: Хитой, Баҳрайн, ЎЗБЕКИСТОН
"D" гуруҳи: Япония, БАА, Малайзия
Пляж футболи бўйича Ўзбекистон терма жамоаси Осиё пляж ўйинларида иштирок этиш учун Таиландга етиб борди. Шунингдек, мусобақада ўзбекистонлик рефери Бахтиёр Намозов ва ОФК комиссари Санжар Ризаев ўйинларда ишлашади. Дарвоқе, ўзбекистонлик Санжар Ризаев ОФК томонидан пляж футболи бўйича мусобақага тайинланган биринчи ОФК комиссари ҳисобланади.
