Испания баскетбол лигаларидан биридаги «Бенидорм» ва «Кальпе» жамоалари ўртасидаги учрашув вақтида 16 ёшли қиз – Алисия Фернандес Ромеро вафот этди, дея хабар бермоқда Mundo Deportivo.
Баскетболчи қиз ўйин вақтида боши айланаётганини айтиб, уни алмаштиришларини сўраган, захира ўриндиғига ўтирганидан сўнг эса хушини йўқотган.
Тиббий ходимлар қизнинг ҳаётини сақлаб қола олишмаган, қиз «бевақт ўлим синдроми»дан вафот этганини маълум қилишди.
Испания баскетбол федерацияси ушбу ҳолат бўйича вафот этган қизнинг оила аъзолари ва яқинларига ҳамдардлик билдирган.
