Франциянинг Биринчи дивизиони иштирокчиси "Кан" ҳамда иккинчи дивизион вакили "Ним" клублари ўзлари иштирок этаётган дивизионлардан келишилган ўйинларни ташкиллаштиришда айбланиб, четлатиши мумкин.

"Коррупция ва келишилган ўйинлар бўйича фактлар исботланса, Франция профессионал футбол лигаси айбдорларни максимал тарзда жазолаш бўйича керакли чора-тадбирларни амалга оширади. Мен иш клубларнинг ўзлари иштирок этадиган лигаларидан четлатилишларигача бориб етиши мумкинлигини эслатиб ўтмоқчиман", - деди Франция футбол лигаси президенти Фредерик Тирье.

Қайд этиш керак, "Кан" ва "Ним" клубларининг президентлари ҳисобланмиш Жан-Франсуа Фортен ва Жан-Марк Конград билан бир қаторда яна етти киши ҳибсга олинган бўлиб, улар 2013/14 йиллар мавсумида "Ним" жамоасини лигада олиб қолиш учун ўйинларни келишган ҳолда ўтказганликда айбланмоқда.