«Барселона» ҳужумчиси Луис Суарес ва «Ювентус» ҳимоячиси Жоржо Кьеллини ярашув учрашувини ташкил қилишлари мумкин.
ЖЧ-2014да Уругвай – Италия (1:0) ўртасидаги ўйиннинг иккинчи бўлимида Суарес Кьеллинининг елкасини тишлаб олганди. Шундан сўнг 4 ойдан иборат дисквалификацияни ўташга мажбур бўлди.
Футболчининг агентлари мазкур тадбир ва унинг муддати юзасидан музокараларни бошлаб юборишди.
Ҳар иккала футболчи зич тақвимга эга. Бу ҳолат тадбирни ташкил қилишга халал бериши мумкин. Шу боис ижтимоий тармоқда акция ўтказиш варианти ҳам йўқ эмас.
