Тошкентнинг "Локомотив" клуби бош мураббийи Вадим Абрамов Бразилияга кетди, деган хабарлар қулоғимизга чалинди.
Ўзбекистон кубогини қўлга киритиб, келгуси йил Осиё чемпионлар лигасида иштирок этишни кўзлаётган "Локомотив" клуби ўз бош мураббийини Бразилияга жўнатди. Вадим Карленовичнинг қайси йўналишда, қандай самолётда, Бразилиянинг қайси шаҳрига бориши ҳақида ҳали маълумот олганимиз йўқ.
Аниғи шуки, у ҳозир Бразилияда. Мақсад - янги футболчиларни кўриб, имкони бўлса, маъқулларини Тошкентга олиб келиш.
Эслатиб ўтамиз, "Локомотив"да бундан аввал ҳам Эвертон исмли бразилиялик футболчи тўп сурган. Лекин, бунга кўп йиллар бўлганди.
