Ўзбекистон милий терма бугун Дубайда Янги Зеландиянинг "Окленд Сити" жамоасига қарши назорат учрашувини ўтказади. "Окленд" сардори Иван Вицелич баҳс олдидан ўз фикрларини билдириб ўтди.
"Ўзбекистон жуда яхши ва кучли жамоа. Улар сентябрь ойида Янги Зеландияга қарши ўйинда жамоамизни қийин аҳволга солиб қўйишди. Бу сафарги ўйин ҳам биз учун қийин кечади. Ўзбекистон таркибида тажрибали футболчилар кўп, уларнинг ярим ҳимояси кучли. Улар билан тенгма-тенг ўйнаш учун энг яхши ўйинимизни кўрсатишимиз лозим. Бу биз учун катта ўйин бўлади. Концентрацияни йўқотмасдан ўйнашимиз керак. Бу ҳақда аввалроқ ҳам айтганмиз. Ўйин қийин бўлади ва у катта куч талаб қилади. Барча ўйинчилар бор кучлари билан ўйнасалар, ижобий натижага эришишимиз мумкин", - дейди Вицелич.
"Окленд Сити" Марокашда бўлиб ўтадиган клублар ўртасидаги ЖЧга тайёргарлик кўраётганини таъкидлаш лозим. Ўзбекистон - "Окленд Сити" ўйини Тошкент вақти билан 17:30да бошланади.
