"Бавария" клуби собиқ ҳимоячиси Лотар Маттеус "Олтин тўп"ни олиши мумкин бўлган футболчиларнинг имкониятларини солиштириб кўрди.

"Менинг фикрим шундай: "Олтин тўп"ни гол уриш бўйича мукаммал кўрсаткичга эришган Криштиану Роналду олади. У янги-янги рекордларни ўрнатмоқда. Одатда жаҳон чемпионати барчасини ўз соясида қолдириб кетиши керак, лекин якунда Роналдунинг голлари ҳаммасини босиб кетмоқда. Менимча, у - фаворит, чунки у ҳар ҳафта бизни ўзига мафтун этмоқда.

Месси эса аутсайдер, чунки у тез-тез жароҳат олиб турди, ЖЧ-2014да эса энг яхши формасида эмас эди. Назаримда, у мусобақа давомида у қадар ҳам яхши ўйин кўрсата олгани йўқ. ФИФА экспертлари уни ЖЧнинг энг яхши ўйинчиси деб эътироф этдилар, лекин бу шунчаки совға эди холос.

Нойерга келсак, у дарвозабонларнинг янги ўйин услубини ярата олди. У ҳам майдонда ўйновчи 11-футболчи, у - пардозчи. Жаҳон чемпионати - бундай юксак савиядаги ўйин учун мос саҳна. Энди Мануэлни Европадан ташқарида ҳам биладилар. Германия терма жамоасининг асосий элементи у бўлганди", - деди Маттеус.