"Арсенал" ҳужумчиси Алексис Санчес "канонирлар"ва "Барселона" клубларининг ўйин услубини таққослади.
Чилилик футболчи ёзда 30 миллион фунт эвазига "Барселона"дан "Арсенал" сафига қўшилган эди.
"Барселона" ўйинига мослашиш мен учун қийин кечди. Биринчи йил яхши ўтган эди, иккинчи йил янада яхши бўлди, аммо менга вақт керак бўлди. "Арсенал" чиройли ўйнайди, аммо "Барселона" дунёдаги ҳеч қайси жамоага ўхшамаган ўйин кўрсатади. Англия футболи жипсроқ ва тўғричизиқли, аммо менга ёқади. Бу усул менга мос.
Жамоадаги шерикларим менинг мослашишимга ёрдам беришди. Агар жамоадошларим ёмон бўлганларида, ҳеч нарсага эриша олмасдим. Ҳаммаси оддий. Бу ердаги ўйинчиларнинг маҳорати қойилмақом. Бунга амин бўлиш учун машғулотга бир назар солиш керак. Савия худда ўша "Барселона"дагидек. Ҳа, машғулотларда фарқ бор, аммо савия бир хил", - дейди Санчес.