«Бавария» собиқ ҳужумчиси Томас Мюллер «Ан-Наср» форварди Криштиану Роналду ҳақида гапирди. 2022 йилда португалиялик ва немис футболчилари жамоадош бўлишлари мумкин эди — ўшанда Роналдунинг Мюнхен суперклубига ўтиши ҳақида хабарлар тарқалганди. Мюллердан Роналдуни «Бавария»да тасаввур қила олиши ҳақида сўрашди.
«Эшитишимча, Криштиану майдон ташқарисида ажойиб жамоадош, бироқ майдонда унинг «тана тили» (ҳаракатлари) менда бироз шубҳа уйғотган. Роналду спорт нуқтаи назаридан «Бавария»да муваффақият қозониши мумкин эди, аммо, таъбир жоиз бўлса, Венсан Компанининг футболида бу иш бермаган бўларди. Чунки бундай ўйин услубида барча 11 ўйинчи иккала томонга (ҳужум ва ҳимояга) бирдек ишлаши, бир-бирига ёрдам бериши шарт», — дея Мюллернинг сўзларини келтиради Al Nassr Zone.
Эслатиб ўтамиз, 2022 йилда Роналду «Манчестер Юнайтед»ни тарк этган ва 2023 йил бошида «Ан-Наср»га кўчиб ўтган эди.
