Аргентина терма жамоаси ва Лондоннинг «Челси» клуби хавбеки Энцо Фернандес клубини ўзгартириш истагида, деб хабар бермоқда Marca газетаси.

Ярим ҳимоячи Мадриднинг «Реал» клубига ўтишга қарор қилди. Фернандесни туманли Альбиондаги об-ҳаво қониқтирмаяпти, футболчи кўпроқ қуёшли мамлакатда ўйнашни хоҳлайди. «Қироллик клуби» ўз навбатида таркибни аргентиналик юлдуз билан кучайтиришга қарши эмас.

Энцонинг бозор қиймати 85 миллион еврони ташкил этади ва у «аристократлар» билан 2032 йилгача амал қиладиган шартномага эга. Айнан шартнома муддати «қироллик клуби»га футболчини қўлга киритишда асосий тўсиқ бўлиши кутилмоқда.

Жорий мавсумда Фернандес 36 та учрашувда иштирок этди. Хавбек ўз ҳисобига 11 та гол ва тўртта голли узатмани ёздириб қўйишга муваффақ бўлди.