"Манчестер Юнайтед" яримҳимочиси Анхель Ди Мария жамоасининг мавсум якунларига кўра чемпионлар лигаси йўлланмасини қўлга киритишига умид қилмоқда.
Манчестерликлар премьер-лиганинг 14 туридан сўнг 4-ўринда бормоқда.
"Чемпионлар лигасини соғиндим. У ерга йўлланма олиш учун ҳамма нарса қилишимиз керак. Осон бўлмади, лекин бир неча ҳафта олдин еттинчи, саккизинчи ўринларда юрган эдик. Энди эса тўртликдамиз. Ҳаммамиз чемпионлар лигасида ўйнашни истаймиз ва бу клуб ўша ерда бўлиши керак.
Шунингдек, соврин ютишни ҳам истаймиз. Олдинга босқичма босқич интилишимиз керак, чунки бизда янги мураббий ва янги ўйинчилар бор. Чемпионат узоқ давом этади, аммо "Челси" билан очколар фарқи 10 тага етган. Юқори ўринни олиш учун охиригача курашамиз. Соврин ютиш осонмас, аммо "МЮ" энг яхшилар орасида бўлиши керак", - дейди Ди Мария.