Британия шаҳзодаси Уильям ва унинг рафиқаси, Кембриж герцогиняси Кейт Миддлтон МБА мунтазам чемпионати доирасида ўтказилувчи "Бруклин" ва "Кливленд" жамоалари ўртасидаги учрашувни кузатиб боради. Ушбу ташрифдан кўзланган асосий мақсад мартабали меҳмонлар "Кавальерс" ҳужумчиси Леброн Жеймснинг ўйинидан завқ олишмоқчи.
"Бу катта шараф. Бу инсонлар ҳақида барчамиз фақат болалигимизда китоблар орқали тушунча эга бўлганмиз. Қироллик оиласи вакилларининг МБА ўйинини томоша қилиш учун ташриф буюришлари ҳақида эшитиб бошим кўкка етди.
Менинг иштирокимдаги ўйинларни кўриш учун кўплаб машҳур шахслар келишган, ҳатто АҚШ президенти ҳам. Аммо шаҳзода Уильям ва унинг рафиқасидан Нью-Йоркга менинг қандай баскетбол ўйнашимни кўриш учун келганлари ҳақида эшитиш – бу шунчаки ажойиб.
Мен улар билан суҳбатлашаманми? Менимча, ҳа. Умид қиламанки, улар билан танишиб олишим учун менга имкон берадилар", - дея championat.com машҳур баскетболчи фикрларини келтиради.
"Бруклин" ва "Кливленд" жамоалари ўртасидаги учрашув бугун тунда, душанбадан сешанбага ўтар кечаси бўлиб ўтади.
