Перунинг «Спорт Акуилла» футбол жамоаси ўйинчиси ўйин пайтида чақмоқ уришидан жабр кўрди. Бу ҳақда 9 декабрь, сешанба куни Libero нашри хабар берди.
Ҳодиса Перу кубоги доирасида ушбу клубнинг «Фуэрза Минера» жамоасига қарши ўтказаётган ўйини вақтида содир бўлди. Иккинчи тайм бошланишидан олдин ёмғир ёға бошлайди, сўнгра момақалдироқ овозлари гумбурлайди, қандайдир бир пайт эса чақмоқ тўғри келиб футболчи Жоао Контрерас келиб урилган.
Хабар беришларича, ушбу ҳодисадан сўнг ўйин дарҳол тўхтатилган, жароҳатланган футболчи эса оғир аҳволда шифохонага етказилган. Шифокорлар чақмоқ уриши натижасида унинг оёқларидаги жароҳатни учинчи даражали куйиш сифатида қайд этишган.
Контрерасдан ташқари, чақмоқ урган жой яқинида бўлган ўйин ҳакамларидан бири Абраам Лоаиза ва футболчи Хулио Риослар ҳам жароҳат олган.
