“Пахтакор” футбол клуби ёшлар жамоаси Италияда ҳар йили анъанавий тарзда ўтказиладиган “Коппа Карневале” турнирининг 2015 йилги мавсумида ҳам иштирок этади. Бу ҳақда UzDaily хабар бермоқда.
Клуб матбуот хизматининг маълум қилишича, бу мусобақа ёшлар жамоаси ўртасида ўтказиладиган норасмий жаҳон чемпионати ҳисобланади.
Мусобақа Виареджио шаҳарчасида 2015 йилнинг 2-16 февраль кунлари бўлиб ўтади. Янги мавсумда ёшлар жамоасида асосан 1996-1998 йилда туғилган “Пахтакор” академияси тарбияланувчилари ўйнашади.
Маълумот учун, “Пахтакор” ёшлар жамоаси охирги йилларда ушбу мусобақада мунтазам равишда иштирок этиб келмоқда.
