Япония терма жамоаси бош мураббийи Хавьер Агирре келишилган ўйинларда иштирок этгани борасида гумон қилинаётганига қарамай терма Япония терма жамоаси бош мураббийи сифатида ишлашда давом этади.

Япония Футбол Уюшмаси вакили Хирома Хара терма жамоа бош мураббийи бу масала юзасидан мухлислардан узр сўрагани ва терма жамоа бош мураббийи сифатида ишлашда давом этишини айтиб ўтди. "Испания ва Япониядаги қонунлар бир биридан фарқ қилади. Хозир биз бу масала юзасидан ахборот тўплаяпмиз. Аммо, айтишим мумкинки, биз Агиррега ишонамиз", - дейди Хара.

Эслатиб ўтамиз, айни дамда Япония терма жамоасини бошқараётган мутахассис 2011 йилнинг 21 май куни бўлиб ўтган "Леванте" - "Сарагоса" учрашуви фигурантларидан бири ҳисобланади. Агирре ўшанда "Сарагоса" бош мураббийи сифатида ишлган эди. Ўша учрашувда "Сарагоса" Ла Лигада ўз ўрнини сақлаб қолиши учун фақат ғалаба қозониши лозим эди ва учрашув улар учун керакли натижа билан якунланган эди. Испания прокуратурасининг қайд этишича, ўша ўйин учун "Леванте" футболчилари 965 минг евро пул олишган.