Тошкентнинг “Локомотив” жамоаси бош мураббийи Вадим Абрамов кутилмаганда жароҳат олди. “Sports.uz” сайтига келган маълумотга кўра, Абрамов куни кеча машғулотлардан бирида ўйинчилари билан бараварига шуғулланиб чап оёғини синдириб қўйган.
Жароҳат олган Абрамов дарҳол шифохонага етказилгач, унинг чап тўпиғи шикаст етгани маълум бўлди ва дарҳол гипсга солинди. Жароҳат жиддий бўлишига қарамасдан, Абрамов бугун эрталабдан яна машғулотларга киришган, лекин у бу сафар қўлтиқ таёқларга суянган ҳолда майдонга келган.
Вадим Карленовичга жамоани янги мавсумга тайёрлашга ёрдамчилари Марат Мифтахутдинов ва Андрей Микляев яқиндан ёрдам беришмоқда.
Айтиб ўтиш жоиз 27 декабрь куни “Локомотив” Муборакнинг “Машъал” клуби билан назорат ўйинини ўтказади.
Ҳозирги кунда жамоа бир неча ёш футболчиларни ўз кўригидан ўтказиб, келаси йил бўлиб ўтадиган ОЧЛ ва Ўзбекистон чемпионатига жиддий тайёргарлик кўрмоқда.
